AKUERDONAN KU KOMERSIO I PROFESHONALNAN
Manera ta konosi pa miembronan direktiva ta trahando riba diferente akuerdonan ku komersio i profeshonalnan na nos benefisio. Direktiva ta konsiente ku pa nos miembronan tambe kosto di bida ta subi tur dia, sino tur siman.
Den e kuadro aki nos por informa ku plaser.
Goisco Supermarket i Wholesaler Resientemente direktiva a firma ku Goisco un kontrato den kual Goisco ta priminti di regala tur miembro un karnèt di miembresia di Goisco MEGA CLUB gratis. E rebaho riba tur kompra lo ta di 5%. Tambe e karnèt lo wordu renoba tur aria gratuitamente.
Direktiva tambe a firma un akuerdo ku Asogas ku ta maneha un Prepaid Card ku e miembro di ASPEN por uza na nan 7 pompnan di gasoline na:
• Salinja (Pablo Frederik I+II)
• Parera
• Riba dèmpel
• Buena Vista
• Scheidelaar
• Tera Kora
Ku e karchi aki por e.o. kumpra koriente, paga otro utilidatnan ets. online .... masha lihe.
Asogas ta otorga e miembro di ASPEN 2x funmiles ora e rekarga e Asogas Prepaid Card i 1x funmiles èkstra na kompra di gasoline.
E montante ku tin riba e karchi no ta limitá na tempu pa uso i e montante ta keda bálido. Lesa mas riba e foyetonan di Asogas.
Madi's Spa ku ta situa na Parera den edifisio di Krus Kora, ku ta duna tur sorto di tratamentu i kuido korporal i kutis manera masashi, manicure, pedicure, scrub ets, a firma ku nos un akuerdo ku ta fasilita miembronan tarifanan spesial.
Asta si bo ta pashènt di suku iku p.e. hasimentu di pia mester tuma luga ku e kuido nesesario bo por akudi serka e profeshonalnan aki.
KOMBERSASHON / NEGOSASHON
Tambe direktiva ta den kombersashon/negosashon ku mas komersiante.
Nos por anunsia ku ASPEN e risibi ofertanan bentahoso di un carwash i un kompania di towing i ku pronto nos lo konkretisa un akuerdo ku nan.
Nos ta en espera di un oferta di un kompania di seguridat grandi, ku ta maneha p.e. e
servisio di “panic button” personal.
Riba nos lista di komersiantenan pa nos aserka tin e.o.
• klinika dental
• óptika
• servisio di entiero i otronan.
Pa hasi uso di e dealnan aki e miembro mester presenta ku su “pensioenpas”.
Pront lo sigui mas informashon i instrukshon.